Geynilmiş malları uşaqlardan uzaq tutun

Azad İstehlakçılar Birliyinin (AİB) sədri Eyyub Hüseynovsa \"Second hand\" mallarının bütün dünyada problem doğurduğunu deyir. Beynəlxalq istehlakçı hüquqlarını qoruyan təşkilatlar bu malların sertifikatlaşması sahəsində bütün dünyada iş aparır. E.Hüseynovun sözlərinə görə, Azərbaycanda da bu mallar sertifikatlaşmayıb: \"Second hand\" malları ölkəyə bir çox Avropa ölkələrindən sertifikatsız gətirilir. Orada yaşayan əhalinin bir qismi geyilmiş paltarlarını tullantı kimi atırlar. Bizim biznesmenlər isə bu tullantı paltarları oradan toplayaraq gətirib \"Second hand\" mağazalarında əhaliyə satırlar\".
E.Hüseynov \"Second hand\" şəbəkəsindən uşaq geyimlərinin alınmasını çox təhlükəli hesab edir: ”İnkişaf etmiş ölkələrdə azyaşlı uşaqlar üçün bu malların satışı qadağan olunub. Çünki uşaqların orqanizmi çox həssasdır və o geyimlərdən də bir çox xəstəliklərə yoluxmaları istisna deyil”.