“Second hand” Londonda da var

 Bəziləri bu mağazaların ölkəmizdə belə çox olmasını iqtisadi cəhətdən geridə qalmağımızla izah edirlər. Ola bilər ki, bu fikir həqiqətdir. Lakin  dünyanın ən inkişaf etmiş ölkələrində də  “Second hand”in olması mümkündür. Bu yaxınlarda Seval Deniz adlı bir türk yazarının İngiltərə səfəri ilə bağlı hazırladığı reportajı oxuyanda xeyli təəccüblənmişdim. London  küçələrində addımbaşına “Second hand”lə rastlaşan Sevdal Dəniz bundan təəccübləndiyini yazıb. Onun məlumatına görə, London “Second hand”lərində «yox» sözü yoxdur. Yəni istədiyin şeyi burada tapa bilərsən: burada geyimlərlə yanaşı, CD, kitab, qab, oyuncaqlar, telefonlar... bir sözlə, gündəlik məişətdə işlədilən hər cür mal almaq olar. Təbii ki, çox ucuz qiymətə. Qəzetimizin keçmiş əməkdaşı Seymur Əlioğlu qonşu Tiflisdə «Second hand» mallarının geniş yayıldığını deyir. Onun sözlərinə görə, zövqlə geyinməyi sevən Tiflis gəncləri öz qarderoblarını vaxtaşırı “Second hand”lə yeniləyirlər: ”Çünki Gürcüstanda geyim Azərbaycana nisbətən çox bahadır. Tanınmış firma mallarını geyinmək üçün belə mağazalara üz tutmaqdan başqa çarə yoxdur”.