“Second hand” mallarından insanlar çəkindirən fakt onların xəstəlik daşıyıcısı olmadığına inamsızlıqdır.  \"Second hand» mağazalarında olanlar bilir ki, burada həmişə paltarlardan və ətrafdan gələn xoşagəlməz qoxu gəlir. Lakin satıcılar bu halın gigiyenik tələblərə uyğun olmadığından irəli gəlməsi fikri ilə razılaşmır. Onların sözlərinə inansaq, bu qoxu paltarlar, əşyalar üzərində yüksək səviyyədə aparılmış kimyəvi təmizləmə ilə əlaqədardır.
Respublika dəri-zöhrəvi dispanserinin həkim-dermatoloqu Aytən Səfərovanın sözlərinə görə, bu geyimlərdən istifadə göbələk və qotur kimi xəstəliklərin yayılması ehtimalının olduğunu deyir: \"Belə ki, adıçəkilən xəstəliklərin daşıyıcısı olan insanlar bu geyimlərdən istifadə etdikdən sonra onu \"Second hand\" mağazalarına satışa verərsə, satıcılar da onları təmizlətmədən satışa çıxararsa, bu, olduqca böyük fəsadlara səbəb ola bilir\". A.Səfərova əhalini bu kimi mağazalardan mümkün qədər geyim almamağa çağırdı.